حیدرآباد۔7جولائی(اعتماد نیوز) آج ایوان پارلیمنٹ میں اپوزیشن جماعتوں نے
قیمتوں میں اضافہ کے مسئلہ پر مباحث کے لئے شدید شور و غل کی۔ جسکے سبب
اجلاس کو دو مرتبہ ملتوی کرنے کے بعد آخر کار کل تک کے لئے ملتوی کر دیا
گیا۔ آج صبح 11بجے اجلاس کا آغاز ہوا۔ اسپیکر لوک سبھا سمترا مہاجن نے
ارکان پارلیمنٹ سے اجلاس پر کے انعقاد کے لئے تعاون کرنے
بار بار اپیل کرنے
کے باوجود بھی ارکان نے اپنے احتجاج کو جاری رکھا۔ اسی دوران مرکزی وزیر
برائے پارلیمانی امور وینکیا نائیڈو نے کہا کہ مرکزی حکومت قیمتوں میں
اضافہ کے مسئلہ پر بات چیت کے لئے تیار ہے تب بھی احتجاجی ارکان پارلیمنٹ
نے اجلاس کی کاروائی کو چلنے نہ دیا۔ قبل ازیں لوک سبھا میں گئیل پائپ لائن
گیس سانحہ کے مہلوکین کو خراج پیش کیا گیا۔